काठमाडौँ। कृषि तथा पशुपन्छी विकासमन्त्री रामनाथ अधिकारीले दुग्ध विकास संस्थान (डीडीसी) अन्तर्गतको हेटौँडा दुग्ध वितरण आयोजनाको अनुगमन तथा निरीक्षण गर्नुभएको छ।

हेटौँडा औद्योगिक क्षेत्रमा रहेको संस्थानको उत्पादन तथा प्रशोधन केन्द्रको आज बिहान अनुगमन गर्दै मन्त्री अधिकारीले संस्थानलाई माथि उठाउन सबैको प्रयास आवश्यक रहेको बताउनुभयो। उहाँले दत्तचित्त भएर काम गर्न संस्थानका कर्मचारीहरूलाई निर्देशन दिनुभयो। हाल संस्थानमा मौज्दात रहेका दुग्ध उत्पादनहरूको बिक्रीका लागि मन्त्रालयले समेत विभिन्न प्रयास गरिरहेको भन्दै मन्त्री अधिकारीले कर्मचारीले पनि यसमा तदारुकता देखाउन आवश्यक रहेको बताउनुभयो।

“संस्थानको घाटा र दुर्बलताले आम कर्मचारीको मनोबल बढ्न सक्दैन। संस्थानलाई सबल बनाउन संस्थानका सबै कर्मचारीको सकारात्मक प्रयास आवश्यक छ,” मन्त्री अधिकारीले भन्नुभयो।