काठमाडौं। दशैँ-तिहारको अवसरमा उपभोक्तालाई आकर्षित गर्न उद्योगी एवं व्यवसायीहरूले विभिन्न प्रकारका अफरहरू ल्याउने परम्परा नै बसेको छ। यसै क्रममा, यस वर्ष पोल्ट्री व्यवसायीहरूले पनि उपभोक्ताहरूलाई लोभ्याउन प्रतिष्पर्धात्मक अफर सार्वजनिक गरेका छन्। पोल्ट्री व्यवसायमा खपत हुने कब ५०० ब्रोइलर प्यारेन्ट कुखुराका चल्लाको मूल्यमा विशेष छुट प्रदान गर्दै, थिलोपरो ह्याचरी उद्योगलाई राहत दिन खोजिएको छ।

बिजु ब्रिडर्स प्रालिले कब ५०० ब्रोइलर प्यारेन्ट कुखुराका चल्लामा ठूलो छुटको घोषणा गरेको छ। कम्पनीले चल्लाको साविक मूल्य रु. ६९५ बाट रु. २२० घटाएर नयाँ मूल्य रु. ४७५ कायम गरेको छ। कम्पनीका सञ्चालक सञ्जीव खनालका अनुसार, यो विशेष छुट असोज १३ गतेदेखि मंसिर मसान्तसम्म लागू हुनेछ। खनालले यो अफर मुख्यतः ह्याचरी उद्योगमा संलग्न व्यवसायीहरूलाई लक्षित गरिएको बताए।

यस छुटको प्रतिष्पर्धात्मक पक्षलाई थप बलियो बनाउँदै, कब नेपाल प्रालिले पनि आफ्नो छुट योजना अघि सारेको छ। कम्पनीले केही दिनअघि नै कब ५०० ब्रोइलर प्यारेन्ट कुखुराको चल्लाको मूल्य रु. २०० घटाएर रु. ४९५ कायम गरेको थियो। कब नेपालको अफर पनि असोज १३ गतेदेखि मंसिर मसान्तसम्म लागू हुनेछ।

उद्योगीहरूबीचको यो प्रतिष्पर्धाले ह्याचरी उद्योगीहरूलाई थप लाभ पुर्याउने विश्वास गरिएको छ। यस प्रकारका अफरले बजारमा मूल्य प्रतिस्पर्धा बढाउनुका साथै, पोल्ट्री उद्योगमा रहेको आर्थिक भार कम गर्न मद्दत पुग्ने अपेक्षा गरिएको छ।