काठमाडौं । पशु चिकित्सकहरूको छाता संस्था नेपाल भेटेरिनरी एसोसिएसन (एनभिए) ले विजयादशमी, शुभ दीपावली, छठ, नेपाल संवद्को अवसरमा शुभकामना आदानप्रदान कार्यक्रम सम्पन्न गरेको छ ।

विगत वर्षदेखि नै दशैंलगायत चाडपर्वको अवसरमा शुभकामना आदानप्रदान कार्यक्रम गर्दै आएको एनभिएले त्यसैलाई निरन्तरता दिँदै बुधबार त्रिपुरेश्वरमा शुभकामना साटासाट तथा चियापान कार्यक्रम गरेको हो ।

कार्यक्रममा उपस्थित सबैलाई स्वागत गर्दै एनभिएका अध्यक्ष डा. रामकृष्ण खतिवडाले विजयादशमी, शुभदीपावली, छठ, नेपाल संवतको अवसरमा शुभकामना व्यक्त गरे ।

एनभिएका वर्तमान कार्यसमिति, निवर्तमान कार्यसमितिका पदाधिकारी तथा सदस्यको उपस्थिति रहेको कार्यक्रममा वरिष्ठ पशु चिकित्सक डा. प्रह्लाद सापकोटा, डा. पुरुषोत्तम मैनाली, डा. वंशी शर्मा, डा. दिनेश पराजुली, डा. विमलकुमार निर्मललगायत लब्ध प्रतिष्ठित व्यक्तिहरू पनि निमन्त्रण स्वीकार गरेर उपस्थित थिए ।