काठमाडौं । सामाजिक सञ्जालमा अहिले एउटा भिडियो भाइरल भएको छ । उक्त भिडियोमा एउटा कुकुरलाई सडक छेउको बिजुलीको पोलमा बाँधिएको छ । दुई जना मानिस दुईतिरबाट हातमा रड र कोदालो उज्याएर कुकुरलाई बाँधिएको ठाउँमा आउँछन् । र, पालैपालो कुकुरमाथि प्रहार गर्छन् । र, कुकुरको असाध्यै क्रुर तरिकाले निर्मम हत्या गर्छन् । मान्छे यति क्रुर पनि हुन सक्दो रहेछ । यिनलाई कुनै सजाय किन हुँदैन ? भन्ने प्रश्नसहित सामाजिक सञ्जालमा उक्त भिडियो पोष्ट गरिएको छ । दोषी पत्ता लगाएर कडा कारवाही गर्नुपर्ने माग सञ्जालमा गरिएको छ ।

काभ्रेको धुलिखेल २८ किलो भन्ने ठाउँमा यो घटना भएको सामाजिक सञ्जालमा उल्लेख छ ।

सामुदायिक कुकुर व्यवस्थापन तथा पशु अधिकारका क्षेत्रमा कार्यरत संस्था स्नेहाज केयरकी सञ्चालक स्नेहा श्रेष्ठले कुकुरमाथि असाध्यै क्रुर घटना भएको बताइन् । दोषीलाई पत्ता लगाएर कडा कारवाही गर्नुपर्ने उनको भनाई छ ।

भिडियो

https://www.youtube.com/watch?v=TwkoXUsXTfU