काठमाडौं |पशु स्वास्थ्य तथा पशु सेवा व्यवसायी परिषद्को रजिष्ट्रार पदमा नियुक्तिका लागि उम्मेदवारहरूको नाम सिफारिस समितिले सार्वजनिक गरेको छ। समितिको चैत २७ गते बसेको बैठकले दरखास्त दिएका आवेदकहरूको स्वीकृत नामावली सूची सार्वजनिक गरेको हो।
सूचीमा खडककुमार मैनाली, जनकबहादुर रावल, पूर्णबहादुर बुढा, मिथिलेशकुमार कर्ण, योगेन्द्रप्रसाद शर्मा, सीताराम ओली र हिमालय पोखरेल रहेका छन्।

उम्मेदवारहरूको रणनीतिक कार्ययोजना प्रस्तुतीकरण र अन्तर्वार्ताको मिति र समय पछि निर्धारण गरी जानकारी गराइने समितिले जनाएको छ।