काठमाडौं । नेपाल पशुपन्छी औषधि व्यवसायी संघ, गण्डकी प्रदेशले महिला सहकारीका २ हजार ८०० सदस्यलाई औषधि वितरण गरेको छ ।

नेपाल पशुपन्छी औषधि व्यवसायी संघ, गण्डकी प्रदेश र मस्र्याङ्दी जिल्ला शाखाको संयुक्त आयोजनामा खेरेनीटारस्थित महिला विकास बहुउद्देश्य सहकारी संस्थाका २ हजार ८०० सदस्यलाई औषधि वितरण गरिएको हो ।

संघका केन्द्रीय अध्यक्ष रितेश रिमाल, महासचिव सादुराम ढकाललगायतको उपस्थितिमा सहकारीका सदस्यलाई प्रत्यक्ष लाभ पुग्नेगरी औषधि वितरण गरिएको संघको गण्डकी प्रदेश समितिले जनाएको छ ।

संघका गण्डकी प्रदेश अध्यक्ष गोपीनाथ बरालले औषधिको उपयोगिताबारे जानकारी गराउँदै आगामी दिनमा पनि यस्ता कार्यक्रमलाई निरन्तरता दिने प्रतिबद्धता जाहेर गरेका थिए ।