पशु चिकित्सा परिषद निर्वाचन: उपाध्यक्षमा ५ र सदस्यमा १५ जना उम्मेदवार (सूचीसहित)

भेट टाइम्स २ माघ २०८१ १५:२८

पशु चिकित्सा परिषद निर्वाचन: उपाध्यक्षमा ५ र सदस्यमा १५ जना उम्मेदवार (सूचीसहित)

काठमाडौं । नेपाल पशु चिकित्सा परिषद्को आसन्न निर्वाचनका लागि उम्मेदवारहरूको नामावली सार्वजनिक भएको छ। यस पटक उपाध्यक्ष पदमा २ जना र सदस्य पदमा ५ जनाको लागि निर्वाचन हुने व्यवस्था गरिएको छ।

नेपाल पशु चिकित्सा परिषद् पशु चिकित्सा पेशाको गुणस्तर सुनिश्चित गर्न, पेसागत नैतिकता कायम गर्न र पशु स्वास्थ्य तथा कल्याणलाई प्रवर्द्धन गर्न गठन गरिएको कानूनी संस्था हो। परिषद्ले देशभरका पशु चिकित्सकहरूको दर्ता, नियमन, र उनीहरूको पेशागत क्षमता अभिवृद्धि गर्ने काम गर्दछ। यसका साथै, परिषद्ले भेटेरिनरी शिक्षाको मापदण्ड तोक्ने, अनुमोदन गर्ने र मनिटरिङ गर्ने जिम्मेवारी पनि निर्वाह गर्दै आएको छ।

यस निर्वाचनमा उपाध्यक्ष पदका लागि डा. सितलकाजी श्रेष्ठ, डा. जगदीश पाण्डेय, डा. मनोज कुमार शाही, डा. रेवन्त भट्टराई र डा. स्वयम प्रकाश श्रेष्ठले उम्मेदवारी दिएका छन्। यी उम्मेदवारहरूले आ-आफ्नो अनुभव, योगदान र भविष्यको योजनासहित निर्वाचनमा प्रतिस्पर्धा गर्न तयार छन्।

सदस्य पदमा ५ स्थानका लागि डा. इन्दिरा शर्मा, डा. दिपक तिवारी, डा. देवजीत प्रसाद ठाकुर, डा. नारायण न्यौपाने, डा. प्रकाश कुमार यादव, डा. प्रवेश शर्मा, डा. बाल कुमार श्रेष्ठ, डा. महेश ठाकुर, डा. महेश प्रसाद श्रीवास्तव, डा. रविन आचार्य, डा. राम नन्दन तिवारी, डा. शुवास पौडेल, डा. शुशील कुमार पौडेल, डा. शंसी इंगोल, र डा. क्षितिज पौडेलले उम्मेदवारी दिएका छन्।

निर्वाचन समितिले २०४९ जना मतदाताको नामावली सार्वजनिक गरिसकेको छ। मतदाता नामावलीमा कुनै त्रुटि भएमा माघ १ गतेभित्र दाबी तथा विरोधका लागि समय दिएको छ भने अन्तिम मतदाता नामावली माघ २ गते (आज)प्रकाशित हुनेछ।

निर्वाचन माघ ५ गते हुने तय भएको छ। यस निर्वाचनले परिषद्को नेतृत्वलाई नयाँ उचाइमा पुर्‍याउँदै पशु चिकित्सा क्षेत्रको विकास र गुणस्तरीय सेवाको सुनिश्चिततामा नयाँ दिशा प्रदान गर्ने विश्वास गरिएको छ। उम्मेदवारहरूले आ-आफ्ना दृष्टिकोण र योजनाहरू प्रस्तुत गर्दै मतदातालाई आफ्नो पक्षमा आकर्षित गर्ने प्रयास गरिरहेका छन्।

हेर्नुहोस सूची
उपाध्यक्षका उम्मेदवारहरू

डा. जगदीश पाण्डेय

डा. मनोज कुमार शाही

डा. रेवन्त भट्टराई

डा. सितलकाजी श्रेष्ठ

डा. स्वयम् प्रकाश श्रेष्ठ

सदस्यका उम्मेदवारहरू

डा. इन्दिरा शर्मा

डा. दिपक तिवारी

डा. देवजीत प्रसाद ठाकुर

डा. नारायण न्यौपाने

डा. प्रकाश कुमार यादव