पशु स्वास्थ्य तथा पशु सेवा विधेयक आजै पारितहुने !
भेट टाइम्स ३१ साउन २०७९ २:२१
काठमाडौं ।प्रतिनिधि सभाको आज ११ बजे बस्ने बैठकमा पशुपन्छी तर्फको महत्वपुर्ण विधेयकको रुपमा हेरिएको पशु स्वास्थ्य तथा पशु सेवा परिषद् विधेयक,२०७६ पेश हुने सम्भावित कार्यसुची प्रकाशित भएको छ ।
कृषि तथा पशुपन्छी विकास मन्त्रि मृगेन्द्र कुमार सिंह यादवले पशु स्वास्थ्य तथा पशु सेवा परिषद् विधेयक माथी छलफको लागी संसदमा प्रस्ताव पेश गर्ने सोही र सांसदहरुले छलफल पश्चात पारित गर्ने कार्यक्रम रहेको प्रतिनिधि सभाका सचिव गोपालनाथ योगीले जारी गरेको सुचनामा उल्लेख छ ।
प्रकाशित कार्यक्रममा कृषि तथा पशुपन्छी विकास मन्त्रि मृगेन्द्र कुमार सिंह यादवले पारित गरियोस भनी संसदमा आव्हान गर्ने समेत जनाईएको छ ।
नेपाल भेटेरिनरी एसोसिएसनले विज्ञप्ति जारी गरेर विज्ञप्ति एकपक्षीय र हचुवाको भरमा ल्याइएको भन्दै विधेयककाे आपत्ति जनाएको थियो ।
पशु सेवा प्राविधिकहरूले भने संसदको विकास समितिमा प्रस्तुत पशु स्वास्थ्य तथा पशु सेवा परिषद् विधेयकको स्वागत गरेका छन् ।
नेपाल एनिमल साइन्स एसोसिएसन, नेपाल पारा भेटेरिनरी एण्ड लाइभस्टक एसोसिएसन र नेपाल पशु स्वास्थ्य सेवा प्राविधि संघले संयुक्त प्रेस विज्ञप्ति जारी गर्दै विधेयकप्रति ऐक्यबद्धता जनाएका हुन् ।
प्रतिनिधि सभाले पास गरेको खण्डमा राष्ट्रिय सभा हुदै राष्ट्रपतिले लालमोहर लगाएपछी ऐन लागूहुने छ ।
हेर्नुहोस कार्यसूची
