काठमाडौं ।दुग्ध विकास संस्थान (डिडिसी) को महाप्रबन्धकका लागि आवेदन आह्वान गरिएको छ । केही समयपछि रिक्त हुन लागेको महाप्रबन्धक पदका लागि कृषि तथा पशुपन्छी विकास मन्त्रालयले मंगलबार आवेदन आह्वान गरेको हो ।
मन्त्रालयले रिक्त हुन लागेको महाप्रबन्धकमा खुला प्रतिस्पर्धाबाट नियुक्ति गर्न प्रक्रिया थालेको जनाएको छ ।
कृषि तथा पशुपन्छी विकास मन्त्रालय सम्बद्ध सार्वजनिक निकायका पदाधिकारीको नियुक्ति तथा मनोनयनसम्बन्धी निर्देशिका, २०७६ को दफा ३, उपदफा २ (ग) बमोजिमको शैक्षिक योग्यता हासिल गरेका व्यक्तिले आवेदन दिन सक्नेछन् । मन्त्रालयका अनुसार, कुनै संस्था वा निकायमा व्यवस्थापकको हैसियतले कम्तीमा दश वर्षको कार्य अनुभव गरेको हुनुपर्छ ।

योग्यता पुगेका ३० वर्षदेखि ६० वर्षसम्मका नेपाली नागरिक प्रक्रियामा सहभागी हुन सक्ने मन्त्रालयले जनाएको छ ।